Sa dansa

Anninora anninnora sienda mia,

narende de su macchine ‘e s’omine

sas boghes de sa vida currene

a bolu in sas garas de poesias.

Dormi ninnia...


Deo soe minore ma omine de onore

e ponzo a bois cust’urtima cantone,

detzisa e forte che coro ‘e leone,

deo chi, ‘e sa zente mea, so Salvatore.


Cando mi jamas mi faghes onore,

siat festa ‘e santu o de partitu.

S’annu passadu ‘o ‘ennidu,

fiat sa festa ‘e su nostru fiore.


Anninora ‘nninnora frade meu,

attentu a cando tancas sos chizos

chi totu passat e andat a buleu, liande intro ‘e su coro sos disizos.


Anninora ‘nninnora frade meu,

attentu a cando tancas sos chizos

chi totu passat e andat a buleu,

liande intro ‘e su coro sos disizos.


Gai che Gesù Cristu so in mesu

a bois, Camedda, unu pro ala appesu.

Cun malagana bos do ‘eo sa manu

ma cheria a m’istringher’a pianu.


Fininde, a tie naramus : “ista chietu!

Ite omine ses si faches tejos?

De su dolu nostru appas respettu

e tanca pro piaghere cussos ojos!“.


Anninora ‘nninnora frade meu,

attentu a cando tancas sos chizos

chi totu passat e andat a buleu,

liande intro ‘e su coro sos disizos.


A disora deo canto, sienda mia,

antigos gosos, dillos e ditirambos

pregatorias, muttos e strambottos.

Tue faghes in pache sa ninnia.


A disora deo canto, sienda mia,

antigos gosos, dillos e ditirambos

pregatorias, muttos e strambottos.

Tue faghes in pache sa ninnia.