Foliada de olás

Dáme o que che pido nena
que non che pido diñeiro,
dáme a túa ovella negra
pra xuntare ó meu carneiro BIS
Ailelelo...

E ti telo, telo, non o queres dar,
e despois de vella podelo salgar,
podelo salgar, podelo salgar,
e ti telo, telo, non o queres dar,
ailelelo...

Fuxe de aí sapoconcho, ai la la,
mañá teño que cocer, trailalala,
se non teño varredoiro, ai la la,
contigo hei de varrer, trailalala.

E chíscao por diante e chíscao por tras
e tócalle as cunchas churrascarraschás,
churrascarraschás, churrascarraschás,
e chíscao por diante e chíscao por tras.

Dáme o que che pido nena,
dámo que non é pecado,
unha muxica de lume
pra prender o meu cigarro,
pra prender o meu cigarro,
ailalelo ailalala.

E ti telo, telo, non o queres dar,
e despois de vella podelo salgar,
podelo salgar, podelo salgar,
e ti telo, telo, non o queres dar,
ailelelo...

Pensas por seres herdeiro, ai la lá,
que te hei traguer pola man, trailalalá,
moitas sedas ten o porco, ai la lá,
e non sae de marrán, trailalalá.

E chíscao por diante e chíscao por tras
e tócalle as cunchas churrascarraschás,
churrascarraschás, churrascarraschás,
e chíscao por diante e chíscao por tras.

Por esta carballeiriña
moito me gusta cantar,
anque non téña-la gracia
ela hache resoar,
ela hache resoar-e,
ailalelo ailalala.

Ei veñen, ei veñen, ei veñen, ei van
sardiñas fresquiñas de pola mañá,
de pola mañá, de pola mañá,
ei veñen, ei veñen, ei veñen, ei van.