Bestel mar

(Anselma/Ned. tekst Jack Poels)
't keumt mei veur ge zit allien ge zit te baale
Ge zit al oore lang te kieke nar ow schoon
Niks te proate niks te zeen niks te beleave
Oet vervealing gadde mar wat zinnigs doon
En met de hand deep in de tes loepte de stroat op
Alles donker lampe oet gordiene dicht
En net als ge bedenkt ik gaj nar hoes nar bed toe
Schient zachtjes in de verte 't verlossend licht
Refrein: ach bestel mar bestel mar bestel mar
Ge wet dat ik 't neet kan loate
Nog efkes en dan begin ik
D'are wir duchtig langs te proate
In 't cafe an d'n tap wuurd 't mar latter
De klok die kunde doar neet zeen die hengt te hoeg
Van al dat beer werde stiekemaan mar zatter
't wuurd nou echt d'n hoegste tied um weg te goan
Ge pakt ow pilske en ow knip um te betaale
Keumt d'are net nog zonne blieje bij ow stoan
Stel ow ni aan man zoep d'are toch nog enne mei man
Wie denkt d'are nou zo vroeg al an naar hoes te goan
Refrein
't wuurd drukker de biljartclub keumt nar binne
Verloare mar dat makt vur die niks oet
Dikke piet zet dat 'ie vet haj kunne winne
Mar d'n teagestand waas schienbaar toch wat groet
En zoe velt d'are doar wal aalt wat te beleave
Minse koome doar nar binnen minse goan
Al stort de ganse werlt inien 't kan niks geave
Zolang 't beer en de cafe mar blieve stoan
Refrein