Astrolicamus

Dansa in su èntu ‘e tramuntana,

dansa umpare a mie.

Dansa in su mare ‘e s’avventura,

dansa in custa die.


Astrolicamus dae supra de custa altura,

narami de sa fortuna.


Bola in su ‘entu ‘e s’ingiustissia,

bola umpare a mie.

Bola in su mare ‘e s’indifferentzia,

bola in custa die.


Astrolicamus chirchende su venidore,

narami de custu amore.


Nois, sos ammentos

nois, sos trabentos

nois, che sirbones isperdidos

in su ludu, nois

tue e deo sutt’e una ferula,

ube naschet sa chintula.
Dansa in s’annu duamiza, fiza

dansa umpare a chie?

Dansa in su chelu chi t’assimizat,

fortzis umpare a mie.

Bola in su mundu ‘e sas tempestas,

bola in sas enas,

beni chi astrolicamus!


Nois, sos ammentos

nois, sos trabentos

nois, che sirbones isperdidos

in su ludu, nois

tue e deo sutt’e una ferula

ube naschet sa chintula.