Ai, maruxiña!

Eu ben cho dixen, rapaza,
eu ben te desenganei,
díxenche que era casado
agora que che farei.

Ai, Maruxiña,
non vaias á herba
que vén o vento, Maruxa,
e toda cha leva;
toda cha leva,
lévacha toda
ai, Maruxiña, Maruxa,
non sexas tola.

Sempre andas: voume, voume,
xa te podías ter ido;
se te foras hai un ano
xa me tiñas esquecido.

Ai, Maruxiña,
non vaias á herba
que vén o vento, Maruxa,
e toda cha leva;
toda cha leva,
lévacha toda
ai, Maruxiña, Maruxa,
non sexas tola.

Se mo deches non mo deras
que eu pedir non cho pedín;
déchesllo a quen quixeches,
quéresmo cobrar a min.

Ai, Maruxiña,
non vaias á herba
que vén o vento, Maruxa,
e toda cha leva;
toda cha leva,
lévacha toda
ai, Maruxiña, Maruxa,
non sexas tola.

Moza do pano amarelo
e mandil acarreirado
quen che comeu as rosquillas
que te leve no cabalo.

Ai, Maruxiña,
non vaias á herba
que vén o vento, Maruxa,
e toda cha leva;
toda cha leva,
lévacha toda
ai, Maruxiña, Maruxa,
non sexas tola.

Eu ben sei a quen dixeches
que non me podías ver;
quen mo dixo non cho digo,
pro estimeino saber.

Ai, Maruxiña,
non vaias á herba
que vén o vento, Maruxa,
e toda cha leva;
toda cha leva,
lévacha toda
ai, Maruxiña, Maruxa,
non sexas tola.

Teño un amor na montaña,
teño un amor montañés;
teño un amor na montaña,
no Ribeiro teño tres.

Ai, Maruxiña,
non vaias á herba
que vén o vento, Maruxa,
e toda cha leva;
toda cha leva,
lévacha toda
ai, Maruxiña, Maruxa,
non sexas tola.